政府一直被指在今次特首選舉中扮演打手角色，早前罕有就西九規劃比賽風波一事發出新聞稿，藉以攻擊特首候選人梁振英。負責處理西九比賽嘅民政事務局局長曾德成，尋日出席立法會內務委員會交代比賽嘅評審資料，強調政府政治中立外，仲以兄長曾鈺成正考慮參選特首做擋箭牌，聲稱自己唔適宜就西九比賽發表意見喎，仲由本周一開始已經冇參與相關工作及會議，變相翹埋雙手唔使做，如果咁講，佢尋日唔去開會都得啦！
