政情：李本瀅退休專心湊孫

正因為咁，大家都唔多覺李本瀅已經做咗兩年，至今仍然好似接手上任台長林超英冇幾耐，反映李本瀅相當低調，就算即將卸任，廣大市民嘅感覺依然好「新」。年屆六十歲嘅李本瀅尋日同傳媒聚會，承認日本核輻射對香港影響甚微，反而最影響港人健康嘅係空氣污染，全港咁多地區之中，港島南區算係空氣最好喎。

至於退休生活，李本瀅就笑笑口自爆快將抱外孫，難得榮升外公，佢話退休後會搬去紅磡同乖女住近啲，到時專心湊孫喎。李本瀅卸任之後，邊個會接班呢？據聞幾位助理台長都有機會上位，當中以入職最耐嘅岑志明呼聲最高，大家就要拭目以待喇。