問責官員成日畀啲立法會議員狂砌，忍得多都有火，好似保安局局長李少光尋日終於忍唔住，要回敬吓班議員。長毛梁國雄窒光哥，話光哥啲中文差，光哥即時還擊話：「梁議員，我都畀少少意見你，示威演變成暴動會好危險，我勸你個契女都唔好參加！」
據知，長毛個契女今年只有六歲，眼大大好可愛。對於被指亂用胡椒噴霧，光哥亦忍唔住話：「你咁講有少少顛倒是非黑白！」