中環耳目：鄺英志自創亞洲品酒標準

早前Peter加入新成立嘅香港葡萄酒商會，揸旗教育培訓委員會，上周四佢又夥拍一班愛酒之人成立香港葡萄酒評審協會，Peter係創辦人兼主席。好多酒界名人響應佢嘅創舉，副主席有喺新西蘭擁有葡萄園嘅香港莊主兼釀酒師梁啟鋒、香港三屆冠軍品酒師梁衞民，著名星級總廚張錦祥（Ricky）就出任活動策劃總監。

Peter話，香港人飲葡萄酒嘅風氣愈嚟愈盛，但現時葡萄酒嘅品評標準源自西方，與亞洲食物或水果嘅口味、文化好唔同。好似中國菜偏好用豉油、蠔油同梅菜等濃味食材，西方人好難明。

佢話香港有人才，相信協會旗下技術小組可以西方標準為基礎，自創一套亞洲實用嘅品酒標準，供愛酒之人參考。