政情：劉遵義有份揀太平紳士

每年政府都委任授勳評審委員會同非官守太平紳士遴選委員會委員，前者為授勳名單提名，後者就為太平紳士委任名單提建議，兩個委員會都係由政務司司長做主席，即係主要由佢話事。論分量，各等勳章勁過太平紳士，所以授勳評審委員會規模大啲，委員分量亦勁啲，好似有前金融管理局總裁任志剛同基本法委員會副主任梁愛詩，而政府尋日公布嘅二○一一年度委員名單，就同去年一樣，人選無變。

非官守太平紳士遴選委員會方面，今年有一個新面孔，就係身兼行會成員嘅劉遵義嘞。陳智思依家已經唔係行會成員，對政府嚟講，點都劉遵義親啲。今次委員會換人，真係好符合特區政府嘅行事風格。