政情：哪吒嫌民記太親政府

講來講去，哪吒似乎對經濟動力情有獨鍾。佢話對方十分關心佢，又話經濟動力亦唔反對直選，佢入到去正好為自己另闢天地，加上經濟動力成員兼鄉議局主席劉皇發喺新界有強大地區網絡，似乎經濟動力最令佢心動。

哪吒同自由黨「離婚」無耐，雙方連身家都未分，好似佢喺將軍澳嘅街板就未來得切更正，但傳聞有意招佢入局嘅相繼有新民黨、經濟動力同民建聯，哪吒都算係搶手貨。不過剛剛回復自由身嘅佢話，依家都係想「拍吓散拖先」喎。