中環出更：查史美倫宴請社團大佬

開聖誕party，唔係後生仔專利。行政會議成員查史美倫都愛熱鬧，尋日中午同老公喺中國會做東請客，叫齊中聯辦副主任郭莉及協調部部長沈沖食晏，幾大社團大佬都係座上客，包括福建幫頭領楊孫西、施子清、盧文端；廣東社團總會主席王國強；新界社團聯會元老李連生、羅叔青；仲有長江製衣創辦人球伯陳瑞球等。
查史美倫趁聖誕在即宴請中聯辦高官及社團大佬，交際手腕了得。 （溫國佳攝）
查史美倫趁聖誕在即宴請中聯辦高官及社團大佬，交際手腕了得。 （溫國佳攝）

呢個組合，睇落政治意味濃，莫非查太有新搞作？主人家當然唔露半點口風，只輕描淡寫話：「普通食飯啫。」數數手指，席上位位係政壇名人，聽落唔普通喎！查太見卓妮窮追不捨，連親家都搬埋出嚟，自爆同其中一位座上客球伯係親家，兩家人食飯，好平常啫。又係嘅，球伯人緣佳，佢幫手請客，邊個會唔畀面!?

畀面派對，又點少得楊孫西（左）同結拜兄弟施子清（右）？兩人中間為羅叔清。
  • 畀面派對，又點少得楊孫西（左）同結拜兄弟施子清（右）？兩人中間為羅叔清。
中聯辦副主任郭莉（左）與盧文端齊出席飯局。
  • 中聯辦副主任郭莉（左）與盧文端齊出席飯局。

Money18新功能「18好路數」為你預測心水股票升跌機會率