中環出更：新地「鐵三角」亮燈粉飾維港

新地大本營有咁開心嘅一刻，又點少得新地主席鄺肖卿同副主席兼董事總經理郭炳江、郭炳聯呢？佢哋「三位一體」嘅鏡頭愈嚟愈深入民心，令人覺得特別溫馨。

LED燈飾節能更亮麗

郭氏家族三母子近排頻頻集體亮相，前幾日郭炳江獲公開大學頒贈榮譽博士，就獲媽媽郭老太同細佬郭炳聯撐場，尋日佢哋又合體為亮燈舉杯，三個人一條心。佢哋都好有心為環保盡心力，今年選用LED節能燈串布置外牆，預計可慳電十一萬七千度，慳電幅度超過八成五。

咪以為慳電就連亮度都要慳啲，查實不但燈光顏色更加亮麗，仲光猛過傳統鎢絲燈泡，層次感又豐富啲，所以燈飾圖案倍加絢麗奪目。低碳照亮維港，如果多啲大企業可以好似新地咁響應環保，今年嘅聖誕節實更加Warm啦！