投訴：房署無良 氹人住「危樓」
今年的施政報告以「民心我心」為題，可惜政府部門處事卻被指「冇畀個心出嚟」！有公屋住戶申請調遷獲批，「睇樓」時赫然發現單位天花石屎嚴重剝落，更鋼筋盡露，儼如危樓。面對向市民「編配危樓」的嚴重指控，房屋署竟企圖淡化事件，聲稱先入伙後維修乃一般做法，遭區議員與關注團體狠批罔顧居民安全，促房署檢討不合理政策。
關太一家六口居於柴灣興民邨，去年九月向房署申請調遷，月前終獲編配至環翠邨喜翠樓一單位。夫婦二人滿懷希望「睇樓」，未料甫踏入單位，即見一片頹垣敗瓦，「廚房、廁所同騎樓都係爛嘅，啲天花石屎仲冧晒落嚟、見晒鋼筋，咁嘅屋都畀人，離晒譜！」關拒絕接受單位，房署竟即時扣減一次編配機會，令關太大感無奈，「咁都要扣，依家得番兩次配屋機會，真係唔公平！」
本報將個案即時轉介房署跟進，關太旋即獲安排再次「睇樓」。關太指今次獲配的愛東邨單位與之前的「爛屋」有天壤之別，全屋已修葺妥當，「好彩得《東方》幫我哋，咁先有番間靚屋，如果唔係，分分鐘又係爛屋一間！」
被轟罔顧居民安全
房署發言人指，環翠邨單位在收回後會先行修葺後編配，但對於是次「配爛屋」事件是否涉及驗收出錯，則未有回應，而申請人是次拒絕編配將不會在三次揀樓機會中扣減一次選擇。發言人又稱，一般情況下，準住戶會先按原定編配日期完成簽約及入伙手續後，才將維修清單交屋邨辦事處跟進；倘需要維修範圍較大，才會酌情給準住戶選擇先維修後簽約，但對於關太所獲編配單位損壞情況是否屬於「較大維修範圍」，發言人則未有言明。
「個單位根本就未維修好，有乜理由會畀人去睇樓，要人簽約仲更加離譜！」東區區議會房屋委員會委員黎志強認為，房署以「先簽約後維修」為由強迫市民收樓做法有欠妥善，認為當局有責任先修葺單位才安排編配。公屋聯會主席王坤則直斥房署罔顧市民生命安全，「明知係爛樓都帶人去睇，點知會唔會跌舊石屎落嚟揼死人！」王指房署在處理調遷上一直「唔踢唔郁」，「永遠要人踢幾踢先畀個單位人睇，點解唔可以整好啲、畀多幾個單位市民選擇？」對於房署「先簽約，後維修」的做法，王亦大感不滿，更認為房署應就此事向申請人道歉，並給予合理交代。
記者 林綺淇