中環耳目：于正收足料來港擦辣蟹

身為設計界新星嘅于正日前抽空來港出席頒獎活動，順便「開壇」講吓佢嘅成名作。于正除咗醉心設計，亦都鍾意四周搵食，朋友話佢知「橋底辣蟹」食海鮮正斗，于正月前就同太太貢咗去幫襯銅鑼灣嘅「橋底辣蟹」，大擦招牌橋底避風塘炒蟹，又品嘗埋比手掌還要長嘅瀨尿蝦，講起都口水流。不過于正係上海人，麻麻地食得辣，辣蟹只係淺嚼輕嘗。

茶餐廳係港人飲食文化之一，于正都專登去翠華餐廳歎番杯港式奶茶，又品嘗馳名豬扒包，滿足到極。

講起新工作大計，于正話，正忙於為公司做明年嘅財政預算。卓妮笑佢人紅咗，財源自然滾滾來，佢就謙稱會努力創作，但唔係樣樣job都接，要睇過題材係咪適合，唔想做得太濫喎。