政情：區選劃界益咗梁美芬

全港四百一十二個區選選區中，今次有一百一十三個選區要重新劃界，好似九龍城區議會咁，選管會建議將原屬黃埔西選區嘅黃埔花園第四期棕櫚苑嘅六座單位，全數撥歸由梁美芬做緊區議員嘅黃埔東選區。黃埔花園係中產屋苑，而中產票一向係梁美芬嘅重點吸票對象，棕櫚苑「投懷送抱」，梁美芬係咪發夢都會偷笑先？

我哋打電話問梁美芬，佢話唔清楚棕櫚苑嘅選票結構，佢嘅地區工作一向涵蓋全個黃埔花園，所以劃界後對選舉工程無影響，相信亦對選情影響唔大喎。其實棕櫚苑有六百幾伙住戶，對選情點會無影響吖，明年區選自有分曉嘞。