政情：運動員幫口申亞難見效

凱旋歸來嘅香港亞運代表隊，返到香港無耐就要上立法會剖白支持申亞立場。帶頭講嘅「亞洲車神」黃金寶面向議員，語重心長咁話對有人反對覺得好傷心，事關議員根本無宏觀地睇問題，只係當係地區事務。壁球運動員趙詠賢就好坦率話，運動員嘅夢想係喺自己地方比賽，唔明點解會有人反對。大家都知每面獎牌背後有血有淚，但民建聯、民主黨、公民黨同自由黨等反對申亞嘅政黨，立場絲毫未有動搖，佢哋抬出嚟嘅，都係民意牌，認真係各說各話。