政情：鄧鉅明夫婦做卡地亞生招牌

戴名錶值逾百萬

多位著名國際影星尋晚應邀為卡地亞旗艦店剪綵，令放工後寂靜嘅中環擠滿人潮。全國青聯副主席陳仲尼都係卡地亞粉絲，拖埋太太齊到賀。

鄧鉅明一見到卓妮就急不及待揭起衫袖露出手腕話：「呢隻（錶）好嘢嚟㗎，約三十幾萬元。」鄧太仲厲害，戴上鑲滿鑽石嘅卡地亞，約值六十多萬元，閃爍生輝倍添華貴。

中華總商會榮譽會長霍震寰都嚟湊熱鬧。講起南北韓緊張局勢會否影響營商環境，佢就淡定話：「睇吓港股調整成點咪知囉。」似乎唔多緊張噃。港交所主席夏佳理夫婦都嚟湊熱鬧，卡地亞嘅魅力確實沒法擋！

開幕儀式上有一位稀客，佢就係已故總理周恩來姪孫女周苓，雖然家族背景顯赫，從事廣告創作嘅周小姐卻不愛奢華，尋晚以黑色LANVIN晚裝亮相，頸上、腕上連丁點珠寶首飾也沒有。佢笑言不太迷珠寶，最愛還是做瑜伽。

陳仲尼（右）同太太都係卡地亞擁躉。 （霍振鋒攝）

卡地亞有大騷，夏佳理夫婦賞面到賀。