審計報告炮轟直資中學行政混亂，其中名牌直資中學德望學校更被揭發違反教育局指引，持有七千幾萬股票，令外界嘩然。不過，德望校友、經濟動力立法會議員梁劉柔芬（蘇菲）就力撐母校，話一直相信直資學校係一個好嘅辦學方向，唔需要檢討。
佢又話唔覺得用學校錢買股票保值有問題，因為香港係金融中心，好多人都精於用錢搵錢，只要佢哋唔係用公帑、而所有賺嘅錢都係用番喺學校入面，就應該畀多啲自由度學校喎。