何女士（公院病人）：「剛剛喺醫院覆完診，好似特別少人，睇症都快啲，唔知係唔係因為禽流感，大家都寧願去私家診所，唔嚟公立醫院。」
楊女士（家庭主婦）：「平時都好少返大陸，都係只去旅遊景點，唔會去衞生情況較差的地方，就算喺香港買雞，都要去較乾淨衞生的雞檔。」
佘生（牙醫）與佘太：「呢幾排都唔會帶囝囝去雀鳥公園，穩陣啲好，我哋屋企樓下都成日有一大群白鴿飛過，都會叫囝囝唔好行太近。」
