中環出更：方剛孫仔百日宴溫馨熱鬧

BB有中英日三個名

方剛話畀卓妮聽，寶貝孫仔有中、英、日三個名字，中文名叫方義德，英文名係Alex，另外仲有個日本名。BB嘅中文名係爺爺改嘅，方剛解畫話，義德兩字喻意「正義、有德行」，佢對呢個寶貝心肝嘅期望不言而喻。

當日自由黨前副主席周梁淑怡（莎姐）同老公周明權拍拖前來，卓妮問佢哋送啲乜嘢畀BB，莎姐話，早前佢去英國旅行時，已買咗BB用品送畀Alex。自由黨主席劉健儀就送咗張BB被，話BB快高長大，送被就最耐用啦！

卓妮見當日場地布置好溫馨可愛，每張枱上都插咗隻動物公仔，出席者枱前亦都有一盒精緻禮盒，不過只擺得六圍，方剛話，因為今次只宴請至親朋友，唔想驚動咁多人。