政情：IQ博士「胡椒粉」鬧笑話
立法會議員經常畀人質疑論政水平偏低，兼成日唔出席立法會會議，大家嘅印象係有原因嘅。身為保安事務委員會委員嘅黃宜弘（IQ博士），尋日出席會議討論集會及遊行準則嘅時候，就上演咗一場笑話。
話說有議員指摘警方亂用胡椒噴霧，接住輪到黃宜弘講嘢嘅時候，佢竟然話「我都明白警方有時要用到胡椒粉，警棍……」立即惹來全場大笑，遭委員會主席涂謹申笑住口咁糾正係胡椒噴霧，有議員走咗出門口，都要返轉頭寸黃宜弘，「係胡椒噴霧呀，阿叔！」
傳染埋畀大輝
唔知係咪錯開會傳染，跟住輪到林大輝發言，又係咁「胡椒粉」、「胡椒霧」，講到最尾諗過度過先講得到胡椒噴霧四隻字，再次惹嚟全場大笑，連一直苦口苦面的保安局副局長黎棟國都忍唔住笑埋一份。其他議員見狀亦唔執輸，張文光即刻就借嚟揶揄警方對於示威者手法，「今日唔用胡椒粉，咪用辣椒醬，聽日唔用警棍，咪用電槍……」