何先生（電器業）「剋扣飯鐘錢好唔應該，相信經此一役，佢應該唔敢再刻薄員工，原本都好想參與罷食，但因為公司附近嘅大家樂係該區最平嘅食肆，冇得揀惟有幫襯。」
吳小姐（售貨員）「扣飯鐘錢實在太刻薄，所以呢幾日都有響應罷食，但今日附近食肆唔多先幫襯，大家樂年年加價，但員工待遇都愈來愈差，令人失望。」
吳先生（物業管理）「扣飯鐘錢梗係唔好啦，應該係員工嘅基本福利，如果佢唔改善可能會響應罷食，佢今次畀番當然支持，可令同行有所警惕，不過相信如果唔係輿論施壓佢都唔改善。」
