中環出更：郭炳湘談兄弟情 炳江笑而不語

兩保鏢貼身保護

郭炳湘大前日（周三）接受訪問嘅報道出街，當日下晝五點鐘，卓妮竟然就喺中環皇后大道中遇到佢二弟郭炳江，世事嘅嘢就係咁蹺！

郭炳江喺中環皇后大道中萬年大廈對開落車後，由兩名保鏢一前一後貼身保護，沿上環方向行去，佢嘅保鏢警覺性好高，一見卓妮就高度戒備起來，反而郭炳江就泰山崩於前而色不變，繼續急步快速向前行。卓妮上前同郭炳江打招呼，問佢咁急去邊，佢只係笑而不答，繼續垂下頭望住條路急步行，然後一個箭步入咗陸佑行。

卓妮原本想再問吓郭炳江點睇兄弟三人嘅關係，又想問吓郭氏家族酌情信託基金權益嘅事，點知佢入咗陸佑行兩小時仍未見蹤影，可能已經由其他出口離開。卓妮唔知郭炳江為乜咁急上陸佑行，但據講上面好多牙醫醫務所；兩個鐘頭後，卓妮上到去好多都閂晒門，唔知佢去咗邊？

郭炳江唔肯回應兄弟關係，一個箭步行入陸佑行。

兩小時後仍未見郭炳江蹤影。

卓妮