中環出更：孫秉樞星辰靚錶贈田少

呢款光動能電波時計可顯示廿六個城市時間，每去到每個城市時，手錶就會接受星辰發射站嘅訊息，繼而自動調校至當地時間，錶身以鈦金屬製造，較不銹鋼質料輕四成，難怪田少戴起隻錶都驚訝好輕身，話啱晒佢戴去滑雪，最好係毋須調校時間，嚟緊農曆新年就會戴隻錶去外地滑雪試吓。

至於點解直到現在先開設專門店，孫秉樞話只係順應潮流，事關好多有名氣嘅品牌都會開設專門店，一來款式會比較齊全，二來可以更全面服務顧客，例如耐心解答手錶嘅科技及設計功能問題。

孫秉樞又話，目前本港不僅中環及尖沙咀兩個旺區，其他地區亦好有消費潛力，所以喺太子開店都有得做喎！