政情：袁彌明寸港冇政治偶像

仰慕鐵娘子列根

Erica尋日話，喺本港搵唔到值得佢欣賞嘅政治偶像，反而自小就非常仰慕前英國首相戴卓爾夫人同美國總統列根。佢解釋，戴卓爾夫人同列根二人都非常堅持自己嘅理念，工作能力亦相當出色，即使施政時遇上重重阻力，亦都一一克服，而歷史亦都證實佢哋做法正確，令人欽佩。

加入選民力量已經一段日子嘅Erica笑言，雖然自己只係組織嘅庶務主任，但角色就舉足輕重，事關印傳單、整易拉架及網頁，以至聯絡各方人物嘅重責都落喺佢身上。佢又話組織內唔少成員都有正職，反而自己工作就較有彈性，啱晒做呢啲工夫喎。