中環出更：施榮忻酒莊內有乾坤

租借品酒室作私人用途

老佛爺酒莊位於灣仔皇后大道東八十號堅雄商業大廈一樓，面積一千多呎，內部裝潢設計高尚優雅。酒莊內大部分藏酒均來自法國一級酒莊，包括Latour、Lafite-Rothschild、Margaux，Saint Emillion產區嘅頂級酒莊Chateau Angelus、Chateau Figeac，亦有Romanee-Conti、La Landonne等，而Burgundy（勃良第）及Rhone（隆河區）嘅佳釀亦包羅其中。

老佛爺酒莊還內有乾坤，設有一間三百多呎嘅多用途房間，私隱度相當高，除咗作為品酒室外，Jaime還計劃提供租借服務，方便私人公司舉行工作會議或婚禮籌備聚會，租金視乎客人用途而定。客人喺酒莊內品嘗佳釀之餘，仲可以租借酒莊內嘅恒溫酒櫃，確保佳釀保持喺攝氏十三至十四度，即使大熱天時都能保持到最好嘅品質。

老佛爺酒莊設有私隱度極高嘅多用途房間，可用作品酒或開會之用。

老佛爺酒莊嘅藏酒全部以原箱入口，而且保存喺最佳溫度以確保品質。

藏酒均獲評九十分以上

Jaime賣酒有三大原則，一定親自品嘗過覺得好才入貨；其次係紅酒必須經大酒商原箱入貨，最後有問題包換，以贏取顧客信任。為方便顧客選購紅酒，所有紅酒都列出世界著名酒評家Robert Parker（RP）嘅評分，而所有藏酒都喺評級九十分以上，並加上中文酒評，讓初學者更易入手。Jaime教路，品酒唔一定要追求貴價酒，有時平酒都有好高嘅評分，佢向卓妮介紹咗幾支抵飲紅酒（見圖），包括Cote Rotie La Landonne、Guigal 1990及1991，分別獲100分及99分。

至於當初Jaime點解要經營酒莊，原來一切由恒基地產副主席李家傑擔任百仁基金主席時開始。Jaime向來鍾意飲茅台及烈酒，有次家傑就建議佢認識吓紅酒藝術，仲請佢品嘗靚紅酒，自此就加深對紅酒嘅認識。後來Jaime聯同林富強及王文博兩個知音人夾份買咗批紅酒一齊品嘗，後來愈飲愈有興趣，於是提議開間酒莊讓大家有個聚腳點。

Cote Rotie La Landonne，Guigal 1991（RP99分）HK$10,800	Chateau La Mission Haut Brion 1990（RP96分）HK$5,800	Chateau Angelus 1990（RP96分）HK$5,500

卓妮