李琪大讚OCBC Arena冇得彈
新加坡騰飛之獅主場超豪華，隊長李琪都大讚！東方龍獅今場作客新加坡在OCBC Arena打硬仗，昨天晚上球隊率先到場館練波，希望能盡快適應場地！
OCBC Arena是新加坡體育城內一個室內場館，場外遠望已經令人驚嘆！新加坡體育城是亞洲首個集體育、休閒和生活的綜合性中心，在2014年6月開幕，主場館可以容納55,000人，並設有伸縮天幕。除此之外，體育城內設有水上運動場館，餐飲和零售空間，可謂一應俱全。今次ABL比賽場地OCBC Arena可以容納3,000人，如果全場爆滿，氣氛一定十分熱鬧！
輕鬆操練適應場地
首次踏足比賽場地，東方龍獅隊長李琪亦大讚冇得彈，他表示：「從外面望已經覺得好大、好靚，入到籃球場館睇真啲，原來可容納3個籃球場，證明新加坡政府真係落咗好多心機發展體育。我都好希望香港有朝一日可以有自己嘅體育城，相信對所有運動發展都會有幫助。」由於連日激戰，因此東方龍獅昨晚只進行輕鬆操練，眾將加強投射練習，力求比賽時有火熱手感兼適應場地，李琪亦十分期待今日之戰，他說：「希望可以喺呢個咁靚嘅場館，將勝仗帶返香港！」
_