公眾泳池員工危駕違泊

楊先生早前前往北葵涌泳池游泳，剛踏入泳池範圍，冷不防有一輛電單車從後駛至，險被撞倒，「泳池又唔係停車場，點知會有架電單車突然飆出嚟？」楊事後曾向泳池管理員求證，獲悉泳池入口與看台樓梯底所有電單車均屬泳池職員所有，曾去信泳池辦公室反映卻不獲理會，「佢（康文署職員）仲話『嗰度唔係泳池範圍，我哋唔會理！』泳池係公眾地方，有乜理由會畀你霸嚟泊車！」楊不滿康文署縱容員工濫用公共資源，要求當局作合理交代。

康文署發言人承認，鑑於泳池面積有限，一直未有設置車位，有部分員工遂擅自將電單車停泊於泳池旁通道，並指事發當日經翻查閉路電視紀錄，並未發現有泳客險被撞倒事件，但為楊先生帶來的不便致歉。發言人又稱，泳池主管訓示及告誡員工，不可在泳池通道停泊車輛，當局又會加強巡視，防止再有違泊情況出現。經本報轉介後，泳池範圍內的違泊車輛一夜間消失。不過，記者卻發現，有關電單車原來只轉戰一牆之外的行人路，實行公然違泊。

泳池職員駕駛電單車離開泳池時，需跨越行人路。	泳池內 北葵涌泳池範圍內泊有多部電單車甚至私家車。	泳池外 遭本報踢爆泳池內有員工車輛違泊後，部分電單車隨即轉戰泳池外行人路。

知法犯法難服眾

「公務員都知法犯法，叫市民點服你呀！」葵青區區議員尹兆堅狠批康文署監管不力，縱容員工違規行為，有市民投訴才「執正嚟做」。至於康文署員工將座駕「移師」泳池範圍停泊一事，尹認為等同挑戰權威，「泳池嘅管理層冇可能睇唔到」，要求康文署嚴正處理事件，以正視聽。

立法會民政事務委員會委員陳淑莊斥康文署罔顧市民安全難接受，「呢件事嘅重點係行人安全，即使啲車泊晒出外面，都係霸佔咗行人路，係咪要逼啲市民行出馬路？」陳更指康文署如需合法使用車位應向運輸署申請，而非對公眾行人路違泊情況置若罔聞、縱容泳池職員任意妄為。

記者 林綺淇