中環出更：大輝拉頭馬 老友屈請客

立法會議員林大輝愛駒「極奇妙」早前喺日本揚威，於日本短途錦標賽中奪標，勁袋九百幾萬蚊獎金，但呢幾日佢嘅心口幾乎被揼穿，日日有唔同「界別」嘅朋友叫佢請食飯。尋日喺電子業商會酒會上，立法會同僚梁君彥、黃定光唱雙簧，叫佢至少攞九萬蚊出嚟請客；又話既然喺日本贏馬，就平平哋去稻菊食番餐啦！連商務及經濟發展局局長劉吳惠蘭都起哄，話徇眾要求應該請食飯喎。平時牙尖嘴利嘅大輝淨係識笑，唔知講咩好。