烽煙市民齊擔心醫保
張小姐（51歲）：有買醫保，7年前患情緒病，被剔出受保範圍，一直向公營醫院求醫。在政府自願醫保計劃下要交3倍保費，她質疑:「到我85歲咪要交卅幾年，咁貴點負擔得起呢？」
梅醫生（外科私人執業）：贊成方向，但執行時小心細節，服務提供者質素十分重要：「否則令私營肥晒」。醫院或控制接收病人，「淨收賺錢的病人，割盲腸本來一萬五千元手術費，多人排隊就收15萬都敢死」。
李先生： 支持計劃，但擔心變成領匯翻版。醫療費用愈來愈昂貴，每年有通脹，注資500億未必足夠。
陳小姐：「先排去私院做泌尿檢查，結果無事，原來保險公司講明驗出嚟無事無得索償，要小心注意。」
羅太：「下個月就六十歲，丈夫接近七十歲。後生時納稅，又無用過政府醫院，依家退休無咁多收入，諗住政府可以照顧我哋啦，又話要供（醫保），仲要係最貴。」