投訴：亂駁喉滲漏 滴出鐘乳石

記者 林綺淇

趙先生居於興華（二）邨樂興樓二樓，三樓則為弱智人士宿舍。趙指宿舍多年前將冷氣機引水喉管接駁至大廈簷篷，未幾形成積水，嚴重影響環境衞生，「佢哋亂咁駁啲喉，搞到啲水滴晒落個騎樓度，間唔中先見到房署搵人上去倒水，平時就由得啲水係咁流落嚟！」趙指發現問題未幾即向房署投訴，但一直未獲正視。

趙先生指不少租戶違規在外牆安裝冷氣機，房署卻不予理會。

冷氣機引水喉管疑因長期滲漏而形成鐘乳石。

本報轉介始作修繕

記者實地了解情況時，發現有引水喉管由三樓宿舍冷氣機一直伸延至簷篷位置，並在簷篷形成「水氹」。至於地下綜合服務中心對出的冷氣機引水喉管上，更附有鐘乳石，反映滲漏問題已經年累月。

此外，邨內住戶違規安裝冷氣機情況亦十分嚴重，趙指因涉及高空滴水問題，亦曾多次向房署投訴，卻未見有取締行動，「嗰啲冷氣機凸晒出外牆，房署職員冇理由睇唔到，咁都唔理真係離晒譜！」趙坦言不滿房署處理屋邨事務「大歎慢板」，即使問題擺在眼前仍視若無睹。

房署發言人承認，三樓宿舍的冷氣機引水喉管因接駁位置欠佳導致輕微積水，現已把喉管接駁至上蓋簷蓬去水渠筒以改善問題。

至於鐘乳石則證實為滲漏積水引致，接獲本報轉介後已進行修繕工程。對於違規安裝冷氣機的問題，發言人稱已向租戶發出警告，如情況未有改善，將發出「遷出通知書」終止租約。

「有鐘乳石即係好耐啦，冇八年都有六年，冇可能咩嘢都唔做！」公屋聯會主席王坤狠批房署有法不依，令屋邨管理扣分制形同虛設，變相縱容違規行為；至於違規安裝冷氣機的問題，王直指房署職員難逃罪責，「係唔係要見到部冷氣機跌落嚟壓死人先做嘢？」

促落實執行扣分制

東區區議員黎志強坦言，早前接獲趙先生求助後已即時去信房署，要求處理冷氣機引水喉管滲漏問題，惜未獲正視，「房署啲經理唔肯見投訴人，我再三要求先肯喺我陪同下接見，但結果都好似唔想理！」黎批評房署處事官僚，促落實執行扣分制，以免違規情況日趨嚴重。