中環出更：陳細潔鍾情波斯地氈

花八句鐘打動競爭對手

Abby第一張波斯地氈係幾年前購自香港一個地氈拍賣會，從此不能自拔，即使去澳洲旅行也趁機尋寶，果然畀佢「獵」得一張價值十七萬港元巨型地氈，佢興奮地運返香港，鋪喺客廳正中央任欣賞。Abby手上嘅珍藏品已經有八張咁多，最珍貴嗰張，係有百年歷史嘅古董地氈。

呢張地氈得來不易，Abby回憶話，當日佢同另一名南亞裔商人同時睇中，雙方拉鋸七、八小時，最後Abby施軟功游說，成功打動對方，並以超低價八萬港元成交。

到底波斯地氈有何魔力？Abby話，喜歡佢顏色瑰麗，造工精巧，放一張喺屋企，滿室充滿色彩。每年佢會聘專人到家中大清洗地氈，家中有大型派對，亦會吩咐傭人將地氈捲起，免得客人唔小心倒瀉紅酒、橙汁，以免肉赤。

卓妮