鍾士元斥副局烏合之眾
【本報訊】首位倡議在港推行問責制、退休逾十年的前行政局首席議員鍾士元接受訪問，開腔炮轟副局長及政治助理是「烏合之眾」，無助改善港府施政，又認為即使一七年可普選特首，但若沒有政黨支持便「無乜大作用」。
指特首須有政黨支持
近年鮮有接受訪問的鍾士元今年九十三歲，他上月中接受電視節目訪問，被問到中央會否容許一七年特首選舉低門檻、一人一票選舉時，鍾直言「唔好話准唔准，就算准，如果無黨選出嚟都無乜大作用」。
他認為特首上場時，必須有與其「同聲同氣」的主要官員。他說：「應該行政長官由一個黨未上場時，已經研究好統治地區嘅辦法，同時有一班人，有啲講經濟、有啲講教育、有啲講政治嘅，上場後就執行佢嘅黨嘅原則，成功咪連任，失敗咪第二個上場。」
現時特首不能具政黨背景，鍾士元相信與中央不希望本港出現執政黨有很大關係，不過他堅持本港應訂立政黨法以鼓勵政黨政治，他說「一係唔好行民主，如果行民主呢，就根據現在世界上公認嘅民主制度嚟執行，依家香港不倫不類」。至於港府先後委任了十八名副局長及政治助理，企圖幫助各政策局長施政，鍾士元直斥「無幫助！因為呢啲係烏合之眾」。