- on.cc 東方互動主頁
- 3月30日 (日)
為慶祝香港鐵路服務踏入一百周年，前九鐵公司員工尋晚自發性搞咗個「服務連港穗，鐵路百載情」晚宴，喺「九鐵兵變」事件入面黯然落台嘅前九鐵行政總裁黎文熹都有捧場。久違了的黎文熹別來無恙，精神狀態甚佳，佢話依家好享受退休生活，得閒打吓Golf，又讀緊哲學，仲同班前九鐵舊同事搞咗個「鐵人暖心慈善基金會」，幫助香港同內地貧困學童同長者。個慈善基金會○八年成立，佢係名譽會長，曾經提供物資幫助喺四川地震中倒塌嘅學校進行重建。
除咗黎文熹，九鐵總裁「詹不甩」詹伯樂都有出席晚宴撐場，但就唔見「九鐵兵變」事件另一主角「田二少」田北辰出現。黎文熹話可以見番一大班前九鐵同事好開心，畀咗大家一個團聚機會。但問佢離開九鐵之後，仲有無同田二少聯絡，佢諗都唔使諗好快就回答：「無！」莫非再見也不再是朋友？
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
