政情：新立會大樓自訂街名

其實新大樓對出嗰一條路，同現有嘅添美道同龍匯道相連，本來可以簡單啲叫番做呢兩條街名，地址叫「添美道×號」或「龍匯道×號」，不過立法會行政管理委員會日前討論有關問題時，大部分在席議員都唔太鍾意，認為龍匯道個名難記，添美道就更加會畀人無端端添多咗條尾巴嘅意思，因此決定作過一個新名。但係嗰兩個由議員諗出嚟嘅新街名，雖然夠晒穩陣，但係就缺乏咗啲創意。