探射燈：昆蟲播超級惡菌食壞人
市民吃下有蒼蠅、曱甴、老鼠的加料食物，後果可大可小。傳染病專科醫生勞永樂指出，吃下受污染的食物，輕則屙嘔肚痛，若進食者是老弱人士，更可能因病毒引發其他疾病。
沾殺蟲水 煮熟都冇用
勞永樂解釋，蒼蠅、曱甴及老鼠有機會接觸人體及動物糞便，故最常見是帶有大腸桿菌、沙門氏菌、金黃葡萄球菌；而蒼蠅更可能曾在動物皮膚停留，有機會沾有發霉菌，若不幸進食受污染食物，有機會出現不適。
不過，勞說：「如果蒼蠅、曱甴喺攝氏七十度以上嘅水，被煲三分鐘以上；而老鼠又煲咗十分鐘以上，基本上佢哋無晒生物危害，就算食咗都未必有病。但仍然可能留有化學危害，好似沾過殺蟲水、二噁英等，對身體產生長遠影響。」