衷心感謝市民、大眾對Jason及我的支持及鼓勵！事件發生之後，大家都為我哋送上無限嘅祝福同埋祈禱；由方醫生喺馬尼拉接收Jason嗰刻開始，我對方醫生嘅團隊有無限嘅信心，一直以來我都認為，當時自己嘅選擇係十分正確。
請大家唔好再為我哋流淚，我相信Jason會康復，雖然條路好遙遠，我相信Jason會好畀心機，終有一日，佢會親自多謝大家對佢嘅關心，多謝！
