樂壇反應

英皇娛樂行政總裁吳雨：「唔明乜叫涉嫌濫用支配優勢？咁多年先嚟投訴，真係荒謬……凡有競爭就唔公平，公平嘅就唔使競爭，無綫又唔係攞住支槍逼觀眾去睇，香港絕對係自由社會，好多機構都有資源優勢，咁又係濫用？無綫、亞視、有線都係同觀眾一齊成長，一句講晒係咪唔得咪就發爛渣。」

金牌大風歌手梁漢文：「自己身為歌手，加上同TVB已合作了20年，某程度已經去到習慣性上呢個電視台。當然每個歌手、唱片公司梗希望可以去其他電視台宣傳，有雙贏局面，但未來體系變成點真係唔知。」

金牌大風歌手吳雨霏：「一直以來唱片公司同無綫的合作關係好好，既然公司選擇得同無綫合作，一定有佢原因，我哋細路仔好樂意同尊重公司的安排。」

英皇娛樂歌手容祖兒：「做歌手都要尊重合約精神，歌手也會聽從、尊重公司的安排同決定，對公司係會投信任票。」