路面留鋼枝 中電遲清除
行人路「長出」鋼枝，路過行人分分鐘中招。劉先生發現，九龍灣啟興道有鋼枝凸出地面多時，一直未見有部門處理。劉即時向路政署投訴，竟獲覆鋼枝乃用以固定路牌，屬中華電力所有，已通知中電拆除，「我投訴咗咁多日都冇人理，我之前都差啲畀佢（鋼枝）整親，如果中電唔拆咁點呀？」
路政署發言人表示，經實地查察證實，鋼枝由中華電力有限公司放置，用作固定臨時交通標誌牌，以配合工程所需。署方接獲投訴及轉介之後，獲悉中華電力已於一星期內將鋼枝移除。
當區區議員潘任惠珍直指路面凸出鋼枝而未有處理，絕不能接受，「中電點可以咁馬虎，冇執埋啲手尾？咁樣可以好危險㗎！」對於市民投訴後七日才清除鐵枝，潘狠斥效率未如理想，促各部門以市民安全為重。