街市檔位被佔 食署懶理
食物環境衞生署管理不善，街市空置檔位被佔用仍置諸不理！經常往牛頭角街市購物的陳先生指出，近月發現有多個空置檔位被擺放大量雜物與貨物，懷疑被鄰舖佔用，「嗰度有幾檔吉咗好耐，雖然落晒閘，但係檔口就擺晒貨！」陳指有關貨物嚴重阻塞行人通道，令購物市民舉步維艱。
當區區議員陳國華指出，上述街市過往亦曾出現租戶佔用通道情況，認為食環署應加強巡查，避免違規情況一再出現，「街市係食環署管嘅，佢有責任去睇住個場保持整潔，違規嘅嘢就一定要處理。」
食環署發言人承認，接獲轉介後，於八月下旬派員巡查有關街市空置檔位時，發現有檔戶在兩個檔位前之通道擺放貨物，妨礙行人，已即時向有關人士提出兩宗檢控。