政情：儲備扶貧論舊黨友打對台

自由黨前主席田北俊批評港府好似有錢佬孤寒成性，坐擁二點二萬億外匯儲備都唔肯開倉派米，言論引來好大回響。退出自由黨自立門戶嘅經濟動力立法會議員林健鋒，就批評田少只懂空喊口號，建議不切實際。佢話工商界有意見認為，香港金融體制穩定有賴豐厚嘅外匯儲備，否則容易畀國際炒家狙擊，所以扶貧開支絕對不能同外匯儲備掛鈎，一切開支應從政府每年嘅財政預算入手，做法一向行之有效，擺到明同田少打對台。