唔知大家有冇留意，新聞報道經常出現一條咁嘅標題：《蘋果日報》又老作。呢一個「又」字，其實不足以說明壹淫媒弄虛作假係幾咁離晒大譜，簡直係淪落到作古仔當食生菜嘅可恥地步。如果要如實反映淫賤黎集團嘅胡作非為，標題應該係咁：《蘋果日報》又又又又又又又……老作。
呢嗱，又又又又又又又……嚟料。台灣《蘋果日報》○七年六月所謂嘅報道係咁講嘅，高雄縣一家美語補習班男老師涉嫌逼十歲女童口交，並且配搭性侵動作繪圖等資料。之不過咁，高雄地檢署偵查後認為，報道並非事實，○八年十二月對涉案男老師裁定不起訴。既然男老師得還清白之身，即係台灣《蘋果日報》虛構故事啦，所以男老師以及佢太太喺○九年六月提出民事控訴，要求賠償一百五十萬元新台幣。
高雄地方法院一審即判爛果報敗訴，應賠八十萬元，不過男老師覺得賠償金額唔夠彌補佢嘅損失，所以繼續上訴。好嘞，二審再有結果，八月十八日法院判決爛果報必須賠償男老師一百萬元，太太亦應獲賠四十萬，合共一百四十萬元新台幣。
唉，問你服未？壹淫媒弄虛作假嘅次數簡直多過繁殖力嚇死人嘅曱甴，好彩台灣法官一般比香港法官更加嫉惡如仇，所以次次判罰都會相對重手。大家睇睇，壹淫媒喺香港違反《淫褻及不雅物品管制條例》過百次，連最嚴重嘅三級淫褻罪都犯過，理論上係可以依法判處監禁嘅，哈，死得佢吖，法官冇一次重判，餐餐都係輕輕罰款濕濕碎一萬幾千算鬼數。大佬，呢個係違法過百次嘅積犯呀，咁都唔重罰以收阻嚇作用，唔通淫賤黎又係法官姪女？莫非呢條友仔走去摑警員都可以冇事？
大致嚟講，壹淫媒喺台灣最鍾意「杜撰老屈」，喺香港最熱衷「宣淫販賤」，至於喺內地咯喎，最擅長「傳播賭禍」。有三份走私入內地嘅港產六合彩報叫做《創富》、《六合皇》同埋《貼士皇》，承印嘅係超企印刷及傳訊有限公司，呢間公司其中一個董事就係淫賤黎。呢三份六合彩報嘅承印人雖然曾經鬼鬼祟祟改名，不過後來搞下搞下又變番淫賤黎旗下。
你知啦，地下六合彩害到好多同胞家散人亡，廣州有人因為賭到精神失常，所以槍傷公安，最後被擊斃。中山又有人賭到天昏地暗，所以經常同老婆發生激烈爭執，最後兩公婆被發現雙雙死於家中，初步估計係老公先斬死老婆再自殺。
計功夫茶話齋，八月二十七日內地執法部門喺廣深高速公路破獲近萬份六合彩非法印刷品，可見六合彩報為害之烈，經已遍地開花啦！
如果你話菲律賓營救人質失敗嘅警務人員係「特蠢部隊」，其實無惡不作嘅淫賤黎集團都可以話係「特賤部隊」。魔爪遍及兩岸，三地烏煙瘴氣，淫賤黎率領特賤部隊害人害到死性不改，真係冇人夠佢賤㗎！