全體立法會議員尋日下午喺維園舉行哀悼菲國遇難港人大遊行，G2000老闆兼自由黨中委田北辰都自發參加，可惜出發前遇上阻滯。話說二少本來叫司機送佢去維園集合，去到附近先知多條街道已被擠得水洩不通，人急智生，佢吩咐司機急掉頭去番金鐘統一中心對開落車。田二少話，大塞車都阻唔到佢，等遊行隊伍由維園出發行經金鐘時，會中途插隊，所以話只要有心，大塞車都唔怕遲。
（陳錦昌攝）
