做好人多數冇好報！尤其係利字當頭嘅現實社會，乜嘢都利益行先，假如你本性善良，隨時畀人食住上。好似脫星Alysse Reece咁，本來入行時姊妹一籮籮，但查實人人都借佢上位，紅咗就唔騷佢，搞到阿妹喊得一句句！
正所謂經一事、長一智，今日嘅脫星Alysse Reece經已脫胎換骨，莫講話想呃阿妹攞着數，就連埋佢身Say個Hi都有啲困難。又唔怪得佢嘅，事關Alysse Reece入行時本性非常善良，凡事為人着想，有乜好嘢都益自己友，難怪相識滿天下，可惜班所謂姊妹呃完就鬆人。之不過當事人又為乜要繼續留喺呢個傷心地呢？「因為我要報仇，畀呃過我嘅姊妹知道，我今日有幾硬淨，假如他日同床演出，我會十倍奉還！」
究竟Alysse Reece同姊妹有乜深仇大恨，要搞到非還不可呢？Alysse Reece解釋：「記得07年入行初期，當時有不少新人簽約，由於大家同屬公司新人，感情零舍要好，但相比我嘅條件明顯較優勝，工作量亦比其他姊妹多，但我抱住姊妹情深，因此每逢有Job都向公司推薦其他姊妹出騷，甚至唔介意一份薪酬幾份分，盡量做到有銀齊齊搵，奈何一上場時姊妹就喪搶鏡，更以上床作條件色誘幕後工作人員，到佢上咗位就飛起我，我真係好痛心！」
畀人呃都係碎料，當身邊姊妹都上晒位後，更掉轉槍頭對傳媒惡意中傷Alysse Reece，搞到阿妹臭名遠播。阿妹由痛心變憤怒，決定要報仇，但問題係大家都靠剝衫搵食，Alysse Reece有乜方法成功斬妖除魔呢？「我用咗兩年時間至爬到今日位置，到有朝一日可以同仇家拍四仔，我會用同樣手段，向導演要求飾演男優角色，喺床上任意魚肉對方！」作為觀眾梗係想睇好戲，但只怕呢日要等到Alysse Reece人老珠黃，甚或仇家都搵夠收山啦！
出生日期：1986年5月3日
三圍：34C、25、34
身高：5呎4吋
撰文：祖