政情：張文留港為慘劇善後

一向坐唔定嘅張文，早排諗住公事家事都搞得七七八八，決定呢個星期六飛去夢寐以求嘅不丹王國，一嘗登上珠穆朗瑪峰嘅滋味。不丹位於中國同印度之間，靠近喜馬拉雅山南坡，張文話，以前試過喺飛機由高角度欣賞珠穆朗瑪峰，一見難忘，希望起碼可以行到海拔五千公尺嘅珠峰基地營，親自觸摸吓呢片高山土地。

不過菲律賓嘅「黑色星期一」，搞到張文對住電視機半日，心都噏埋，乜嘢珠峰美景都冇心機睇，加上香港有太多工作要跟進，今個暑假都係疊埋心水留喺香港，不丹佢都唔去喇。