瑪麗醫院醫護人員成功完成今次心、肝連鎖移植大手術後，十四位主要負責的醫護人員列陣大晒冷講述手術經過，期間有妙語連珠，有拘謹的回答一句，有見唔慣場面的不知所云，有語言障礙難於表達……幸得今次「晒冷」主持、港大肝臟移植講座教授盧寵茂配以不同金句調劑，「今次發布會好似一個合唱團」，代表手術涉及不同範疇醫生幫手，亦令到當日手術室多人多到「係一個奇觀」等，令嚴肅的氣氛添上搞笑輕鬆一面。
昨日「戰利會」在瑪麗醫院內的醫生休息室舉行，有份負責今次手術的各部門主管包括麻醉科、心胸外科、手術室部門等均排排坐輪流講幾句苦與甜，順利與困難的經過。手術涉及如何拯救病人生命，會內氣氛格外嚴肅，部分列陣者在大批傳媒爭相追問下，更感到不甚自然。盧寵茂眼見各人甚是緊張就搞搞氣氛，先來一個形容該場合是「一個合唱團」，亦不時爆出多句金句去緩和氣氛。
「好似一個合唱團」內有唱高音、低音、男女聲代表就是形容今次手術並非一個醫生或一組醫生可以做得到。對於該名接受心臟及肝臟移植的女病人，同時又將屬她的肝臟移植予另一名患肝癌男病者的做法，以輕鬆口脗說是一項「廢物利用移植」讓該名肝癌男病者續命，登時引來一陣笑聲。
「多走一步」通力合作，盧寵茂形容感慨良多，「（同事）無怨言、無人話OT……有笑聲，呢啲笑聲係大家做得開心嘅笑。」走入手術室時，聚集了眾多醫護人員忙着為手術做好準備，更令他印象深刻，「入到去手術室更係一個奇觀，咁細嘅手術室有咁多人，終明白到乜嘢叫做teamwork！」
本報記者