善長傾囊撐茵茵健康活下去

「係一個長期作戰」

出生未幾即飽受病魔折磨的茵茵，與死神搏鬥的經歷令無數人動容，不少為人父母者更感同身受。「我自己都有個仔，將心比己，點都唔想自己細路有事，無論如何，蔡太同茵茵都要加油！」澳門居民麥女士直言，每次看到茵茵的報道都落淚，希望茵茵康復之餘，亦鼓勵蔡氏夫婦要堅持下去，「醫治茵茵係一個長期抗戰，做父母嘅點都唔可以放棄！」

捐款人士不分老幼，就連小孩子亦為茵茵的可愛面孔吸引。周小姐受六歲外甥所託捐出善款，「佢話睇到報紙，大叫話個BB好可愛，好想幫佢，我就話要用佢嘅零用錢，佢即刻話冇問題，所以就幫佢捐二百蚊！」周小姐希望茵茵前往台灣後一切順利，盡快展現笑臉。

即使善款早已超越最初四十萬元的目標金額，但茵茵未來的繼後治療開支仍屬未知之數，故早前願意包底的梁女士承諾「咁我就捐一筆錢畀茵茵嘅專戶，等佢第二日唔使再擔心醫療費！」

捐款數字不斷飆升消息令蔡太深感欣慰，直言難以報答善長恩情，「我每日都有Keep（收藏）啲剪報，等囡囡大個咗畀番佢睇，等佢知道咁多人幫過佢，要回饋番社會！」蔡太正繼續為茵茵收拾行李，以便確定出發日期後可即時起行，但蔡父卻因未能申領證件而無法同行。

蔡父辦證遇上阻滯

中華旅行社獲悉事件後，即主動提出協助，昨更特別安排蔡父往該社辦理赴台證件，惟因蔡父現只持有雙程證在港逗留，在沒有內地赴台證明及中華人民共和國護照，令辦證遇上阻滯。蔡父指已獲建議盡快返回戶籍所在地的福建，申請往台證明或相關護照。蔡父表示，最終能否與愛女同行，一切須聽天由命。

東方日報慈善基金與太陽報愛心基金密切聯繫醫院及相關部門，為茵茵台灣之行作好準備，同時並繼續協助茵茵籌募治療費用，以作為長遠治療之用。讀者如有查詢，請致電3600 9988與本報記者聯絡。

（捐款編號：11933）

記者梅可茵