老師捱十幾年儲唔夠首期
「依家啲私樓咁貴，夾心階層住屋係我哋唯一『上到車』的機會。曾蔭權、高官成日話唔係一畢業就可以買樓，我都明白，但依家問題係做極嘢都買唔起，我做咗老師十幾年，啲私樓貴到我儲極都儲唔夠三成首期！」這正是不少夾屋準買家的心聲，他們質疑政府不理民情，無視小市民置業困難，認為政府應復建居屋及夾屋，協助市民「上車」。
任職教師逾十年的陳先生，原定今日才揀樓，但他昨日已急不及待提早到場了解情況，方便鎖定「目標」。他計劃購買叠翠軒八百呎的大單位，售價約二百五十萬元。他認為自己能抽中夾屋十分幸運，好過中六合彩。
私樓太貴 只買得起夾屋
另一買家吳太昨早九時許到房協揀樓，她選擇了將軍澳叠翠軒一個六百多呎的單位，售價二百多萬元。她表示，現時私樓太貴，令人難以負擔，「五百幾呎都要三百幾萬，叫人點買？」她認為政府應復建居屋及夾屋，讓小市民可選擇價格較低的樓宇安居。
張先生亦同樣揀選了將軍澳叠翠軒一個五百多呎單位，售價一百九十多萬元。他現於離島區租住一個五百多呎單位，月租五千多元。他自言一直希望買樓圓置業夢，但奈何樓價高企，無力負擔，「我對買樓無咩要求，但都買唔到樓，因為啲私樓真係好貴！我唔要求交通方便，你見我住得離島就知啦！我只係求層樓價錢平啲負擔到，淨係夾屋先買得起。」
本報記者