蜑家婆一艇搖大九子女

張金妹婚後隨夫居在艇上捕魚維生，十八歲首誕麟兒，之後共誕下七女兩子。她憶述，當時每天要捕魚餬口及打理家頭細務，至凌晨仍未能休息。在船上工作也甚有難度：「啲滾水喺船上搖晒出黎，大髀都淥到傷晒！」為免子女跌落海，她自創為子女綁着葫蘆，即使跌落水也能浮起：「打風搖到佢哋嘔都係咁長大，無辦法！」

「冇奶就要飲米水」

一家為捕魚更常要遠離沿岸區，故她最怕子女生病：「個三仔六歲時肺積水要入院，我要撐船上岸將個仔送去醫院，住咗院兩個月，日頭我就要去照顧佢，夜晚冇時間煮飯，啲仔女咪要食餅乾囉！」她又謂，幼子出生時缺人奶：「炒熟啲米再焗米水畀佢飲囉！」當子女長大後，要送上岸上學，託保母照顧：「掛住阿媽都冇計！佢一定要讀書先有成就！但相信個個仔女都能適應生活環境。」

現時張金妹的九名子女已事業有成，更為她添三十多個孫兒，閒時弄孫為樂。這位兒孫滿堂的「模範媽媽」寄語後人，教子女不能過於溺愛，讓他們適應環境才是最重要：「唔使長氣！有飯食飯，畀多啲自由佢哋成長啦！」中正時下父母的弱點。

家長銀彈望子成龍

「媽媽的心態」隨時代轉變，三十二歲的梁太育有兩歲半女兒及六個月的兒子，雖家庭月入四萬多元，卻將大部分收入花在女兒的小一準備班及興趣班學費上，她笑言每月能從月入息積蓄一成當儲備錢已要「偷笑」：「依家賽跑個起點已經定喺兩歲，有家長話，冇四級鋼琴都入唔到一年班！」

二十六的新婚女士李太則擔心經濟負擔重，目標是儲夠十萬元才放心生兒育女：「供樓要畀錢、奶粉要畀錢，就算生都係生一個就算，唔想經濟負擔乘二、再乘三。」