政情：股市下挫林健鋒派定心丸

希臘嘅債務危機愈搞愈大，德國總理默克爾仲呼籲容許歐元成員國破產，歐元區今勻分分鐘又會翻起千尺浪，再次引發全球金融海嘯，尋日香港股市下挫四百幾點，不過立法會議員林健鋒就定過抬油，佢話當年美國唔救雷曼，結果搞到金融海嘯，所以佢覺得歐盟應該會出手相救。至於香港有祖國做大靠山，所以應該無問題。佢仲大派定心丸，話金融海嘯之後，亞洲嘅金融中心移向中國，實力咁強，所以唔使擔心。