良心僱主斥張宇人危言聳聽
【本報訊】香港飲食業聯合總會建議最低工資訂於時薪不多於廿四元，有業界「良心」僱主隔空與總會會長張宇人展開罵戰。茶餐廳老闆坦言「畀緊廿六至廿八蚊一個鐘請工人，我都企得住」，直斥「開咗（茶餐廳）咁多年都冇執笠，你（張宇人）唔好成日用啲數字嚟嚇我哋」。有零售業僱主亦批評，「用廿四蚊咁低工資請人，係賺緊工人而唔係茶客嘅錢，係剝削工人血汗錢袋落自己個袋」。張宇人則反駁，「到個行業死晒，唔好話我嚇你。」
張宇人昨出席電台節目時直言，自己崇尚市場經濟，個人認為不應訂立最低工資，不過以代表飲食業界的身份而言，則建議最低工資時薪不多於廿四元。
工人只想維持生計
他的建議引來經營茶餐廳的鄺先生反對，自言所有受僱員工工資水平介乎廿六至廿八元以上，不滿有集團以十多元時薪聘請員工，「做足十個鐘，用良心嚟講，可唔可以維持一頭家先，唔好話十幾蚊，廿蚊都唔夠啦。」他更表示「工人唔係想有額外要求，只想維持生計」，促張宇人不要再用數字來嚇人。張宇人引述行業調查，最低工資高至卅三元水平，三成企業要執笠，屆時工人無工可做，質疑是否由鄺先生開店吸納他們。
另外，勞工顧問委員會昨討論海外留學生回港實習能否豁免最低工資問題，據悉，勞方委員一致認為措施「宜緊不宜鬆」，擴大現有豁免範圍只會難以監察，令條例形同虛設。資方委員持相反意見，建議可將豁免範圍擴大至只限於十五至二十五歲全日制學生，實習工作不多於六十日，認為即使與學科無關的暑期實習，亦可讓學生吸取經驗。勞工處收集有關意見後，將轉交勞工及福利局跟進。