政情：肥仔明轟遊泰港客不負責任

泰國曼谷爆發流血衝突，特區政府首次發出旅遊警示制度下嘅黑色級別，即係代表當地有嚴重危險，叫港人唔好前往。不過尋日仲有港人話請咗假唔想改期，所以按原定計劃出發到曼谷旅遊，立法會議員李華明都睇唔過眼，話嗰啲不顧自身危險去曼谷嘅港人不負責任，就好似掛八號風球仲要去滑浪咁，萬一有乜意外，政府又要派專機接佢哋返港，講到尾即係要納稅人為佢哋自私嘅行為出錢包底，勸港人唔好一意孤行去曼谷。