政府近年成日將文化保育掛喺口邊，但依家有啲保育項目由政府出錢搞，一啲就公開招標處理，到底政府搞保育有乜準則﹖發展局局長林鄭月娥尋日喺立法會發展事務委員會上話，保育要睇契機，好似荷李活道警察宿舍用以支持本地文化創意產業，所以由政府自掏荷包，虎豹別墅呢類有商機嘅項目就用另一種模式做，之後佢仲補多句，話保育經驗多咗，準則就可以細分喎。準則唔係一開始就訂好㗎咩﹖原來娥姐搞保育都未有細緻準則。