垃圾遲清理食環署甩漏
食物環境衞生署處事敷衍又一例證！元朗區居民鍾先生發現，朗屏邨賀屏樓對出屏義路馬路附近，月前被人棄置近五十袋垃圾，一直未見清理。鍾多次向食環署反映後雖獲安排清理，未料食環署仍「做啲唔做啲」，竟遺下近廿袋垃圾，「食環署效率慢不特止，做嘢仲甩甩漏漏，啲垃圾擺咗咁耐好影響衞生㗎嘛！」
當區區議員鄺俊宇指，上址位處食環署與房屋署管轄範圍交界，由於兩署經常互相推卸責任，「今次食環署真係要『孭飛』，拖住唔去清（垃圾），清啲又清唔晒，明顯做嘢得過且過！」
對清理垃圾欠妥善的指摘，食環署發言人未有回應，只表示接獲投訴後，已即時跟進及採取清理行動，覆查時發現有人在上址違例棄置垃圾，已提出檢控。發言人重申，上址並非衞生黑點，但會繼續留意上址衞生情況。